ប្រភពព័ត៌មានដុន បូស្កូ

ដាំទឹកទុកចោលម្ចាស់ផ្ទះចេញទៅក្រៅភ្លើងឆេះផ្ទះម៉ត់នៅស្រុកព្រៃនប់

chanthea92 ♦ 19 January 2013 ♦ Leave a comment

ព្រះសីហនុ ៖ ផ្ទះឈើដំបូលប្រក់ស័ង្កសីទំហំ7ម៉ែត្រគុណ10ម៉ែត្រមួយខ្នងត្រូវបានភ្លើងឆាបឆេះបំផ្លាញអស់គ្មានសល់ រួមទាំងទ្រព្យសម្បត្តិផងនោះ ក្នុងខណៈពេលដែលម្ចាស់ផ្ទះដាំទឹកហើយបាននាំគ្នាចេញទៅក្រៅអស់ដោយចាក់សោផ្ទះទុកចោល។ហេតុការណ៍បង្កឲ្យភ្ញាក់ផ្អើលនេះបានកើតមានឡើងកាលពីព្រឹកថ្ងៃទី19ខែមករាឆ្នាំ2013ស្ថិតនៅ

ភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។ គ្រោះអគ្គិភ័យខាងលើនេះមិនបណ្តាលឲ្យមនុស្សណាម្នាក់រងរបួសឬក៏ស្លាប់បាត់បង់ជីវិតនោះទេ។ ទំហំនៃការខូចខាតគេមិនទាន់គណនាបានអំពីតំលៃសរុបដែលត្រូវភ្លើងឆេះអស់នោះមានចំនួនទឹកប្រាក់ប៉ុន្មាននោះទេ។ ប៉ូលិសមូលដ្ឋានបានប្រាប់ថា ម្ចាស់ផ្ទះរងគ្រោះមានឈ្មោះអូន វី ភេទប្រុស អាយុ55ឆ្នាំ មានមុខរបររត់ម៉ូតូឌុប និងប្រពន្ធឈ្មោះអន ចាន់ អាយុជាង50ឆ្នាំ មានមុខរបរលក់នំ។

ប៉ូលិសនិយាយទៀតថា អគ្គិភ័យនេះអាចបង្កឡើងដោយភ្លើងចង្ក្រានព្រោះបើតាមការអះអាងរបស់ម្ចាស់ផ្ទះបានប្រាប់ថា មុនពេលកើតហេតុគាត់បានបង្កាត់ភ្លើងដាំទឹកទុកចោល។

សូមបញ្ជាក់ថា ក្រោយពេលកើតហេតុប្រមាណ2ម៉ោងអំណោយមនុស្សធម៌របស់អគ្គស្នងការនគរបាលជាតិតាមរយៈស្នងការនគរបាលខេត្តព្រះសីហនុ ត្រូវបានដឹកយកទៅប្រគល់ឲ្យដល់ដៃជនរងគ្រោះមានដូចជាអង្ករ, មី, ទឹកស៊ីអ៊ីវ ទឹកត្រី, ត្រីខ, ភួយកន្ទេល មុង,ដែកស័ង្កសី ព្រមទាំងថវិកាមួយចំនួនផងដែរ៕

ព្រះរាជជីវប្រវត្តិព្រះបាទនរោត្តមសីហនុ

chanthea92 ♦ 29 October 2012 ♦ Leave a comment

ព្រះករុណា ព្រះបាទសម្ដេចព្រះ នរោត្ដម សីហនុ ព្រះមហាក្សត្រនៃព្រះរាជាណាចក្រកម្ពុជា ព្រះអង្គប្រសូតនៅថ្ងៃអង្គារ ១១ កើត ខែកក្ដិក ឆ្នាំច ចត្វាស័ក ព.ស.២៤៦៥ ត្រូវនឹងថ្ងៃទី៣១ ខែតុលា ឆ្នាំ១៩២២ នៅរាជធានីភ្នំពេញ ព្រះរាជាណាចក្រកម្ពុជា។
ការសិក្សា
ពីឆ្នាំ១៩៣០ ដល់ឆ្នាំ១៩៤០ ព្រះអង្គបានចូលសិក្សា នៅសាលាបឋមសិក្សា François Baudoin និងវិទ្យាល័យព្រះស៊ីសុវត្ថិ រាជធានីភ្នំពេញ ក្រុងភ្នំពេញ។ បន្ទាប់មក ព្រះអង្គបានបន្តការសិក្សានៅវិទ្យាល័យបារាំង សាសលូឡូបា (Lycée Chasseloup Laubat) នៅព្រៃនគរ (វៀតណាមខាងត្បូង)។
នៅឆ្នាំ១៩៤៦ និង១៩៤៨ ព្រះអង្គបានបន្តការសិក្សាជាន់ខ្ពស់ នៅសាលាអនុវត្តទ័ពសេះ និងកងទ័ពរថពាសដែកនៅសូមៀរ (Saumur) ប្រទេសបារាំង។
ព្រះមហាក្សត្រនៃព្រះរាជាណាចក្រកម្ពុជា
ការគ្រងរាជ្យសម្បត្តិលើកទី១
នៅខែមេសា ឆ្នាំ១៩៤១ ក្រុមប្រឹក្សាព្រះរាជបល្ល័ង្គ បានជ្រើសតាំង និងថ្វាយព្រះរាជឋានៈព្រះអង្គជា ព្រះមហាក្សត្រ នៃព្រះរាជាណាចក្រកម្ពុជា នៅរាជធានីភ្នំពេញ។ ព្រះអង្គឡើងគ្រងរាជសម្បត្តិនៅថ្ងៃទី២៨ ខែតុលា ឆ្នាំ១៩៤១។បន្ទាប់ពីប្រទេសកម្ពុជាបានទទួលឯករាជ្យពីប្រទេសបារាំង ព្រះអង្គបានដាក់រាជ្យថ្វាយព្រះបិតានៅថ្ងៃទី០២ ខែមីនា ឆ្នាំ១៩៥៥ ។
ការគ្រងរាជ្យសម្បត្តិលើកទី២
ព្រះអង្គទ្រង់បានឡើងគ្រងរាជ្យជាលើកទី២ នៅថ្ងៃទី២៤ កញ្ញា ១៩៩៣ ហើយទ្រង់បានដាក់រាជ្យវិញនៅថ្ងៃទី០៧ ខែ តុលា ឆ្នាំ ២០០៤។ ក្រោយពីការដាក់រាជ្យ ព្រះអង្គត្រូវបានគេថ្វាយព្រះនាមថា ព្រះមហាវីរក្សត្រ ។
ព្រះរាជបូជនីយកិច្ច
ក្នុងឆ្នាំ១៩៤៧ ព្រះបាទសម្ដេចព្រះនរោត្ដម សីហនុ ព្រះអង្គមានមហាជោគជ័យក្នុងការទាមទារឲ្យរាជាណាចក្រថៃឡង់ដ៍ សងមកព្រះរាជអាណាចក្រកម្ពុជាវិញជាដាច់ខាតនូវខេត្តខ្មែរ ដែលក្នុងពេលមានចម្បាំងសកលលោកលើកទី២ ថៃឡង់ដ៍បានយកពីកម្ពុជាទៅ គឺខេត្តបាត់ដំបង សៀមរាប កំពង់ធំ ស្ទឹងត្រែង។
ឆ្នាំ១៩៤៩ ព្រះអង្គបានទាមទារឲ្យប្រទេសបារាំង បញ្ឈប់នូវសន្ធិសញ្ញាអាណាព្យាបាល ដែលបានចុះហត្ថលេខានៅឆ្នាំ១៨៦៣ និងឆ្នាំ១៨៨៤។ នៅឆ្នាំ១៩៤៩ដដែល ព្រះអង្គបានឡាយព្រះហត្ថលេខា លើសន្ធិសញ្ញាឯករាជ្យ ដែលប្រទេសបារាំងព្រមទទួលស្គាល់តាមផ្លូវច្បាប់នូវឯករាជ្យរបស់ព្រះរាជអាណាចក្រកម្ពុជា។ សន្ធិសញ្ញាឆ្នាំ១៩៤៩ នេះ លុបចោលនូវសន្ធិសញ្ញាអាណាព្យាបាលឆ្នាំ១៨៦៣ និងឆ្នាំ១៨៨៤។
ពីឆ្នាំ១៩៥២ ដល់១៩៥៣ ព្រះអង្គបានយាងបំពេញព្រះរាជបូជនីយកិច្ចទាមទារកេតនភណ្ឌឯករាជ្យ១០០ភាគរយជូនជាតិមាតុភូមិ។
នៅថ្ងៃទី០៩ ខែវិច្ឆិកា ឆ្នាំ១៩៥៣ ដោយស្នាព្រះហត្តដ៏ឧត្ដុង្គឧត្ដមរបស់ព្រះអង្គ ព្រះរាជអាណាចក្រកម្ពុជាបានទទួលឯករាជ្យទាំងស្រុងពីសាធារណរដ្ឋបារាំង។ ប្រជារាស្ត្រកម្ពុជាទូទាំងប្រទេស សូមថ្វាយព្រះកិត្តិនាមព្រះអង្គជា “ព្រះមហាវីរបុរសជាតិ – ព្រះបិតាឯករាជ្យជាតិ”។
ថ្ងៃទី១៥ មិថុនា ១៩៥២ ព្រះបាទនរោត្តមសីហនុវរ្ម័ន ទ្រង់បានថ្លែងជាឱឡារិកថា ព្រះអង្គនឹងខិតខំស្វែងរកឯករាជ្យបរិបូរជូនជាតិ មាតុភូមិឲ្យបានដាច់ខាតក្នុងរយៈពេល៣ឆ្នាំ។ ក្នុងពេលនោះ ដោយមានសហការីជួយគាំទ្រផង ព្រះអង្គទ្រង់យាងទៅកាន់ប្រទេសបារាំងក្នុងខែកុម្ភៈ១៩៥៣។ នៅទីនោះ ព្រះអង្គបានផ្ញើសារលិខិតជូនលោក វ៉ាំងសង់អូរីយ៉ូល ប្រធានាធិបតីនៃសាធារណរដ្ឋបារាំង ចំនួន៣លើក៖
• លើកទី១ ថ្ងៃទី ៥ មីនា ១៩៥៣ ពីទីក្រុងណាពូល
• លើកទី២ ថ្ងៃទី ១៨ មីនា ១៩៥៣ ពីទីក្រុងណាពូលដែរ
• លើកទី៣ ថ្ងៃទី ៣ មេសា ១៩៥៣ ពីទីក្រុងផុងតែណឺប្លូ។

ដោយរដ្ឋាភិបាលបារាំងពុំមានអើពើអ្វីនឹងសំណើនោះ ព្រះអង្គទ្រង់សម្រេចព្រះទ័យយាងទៅធ្វើយុទ្ធនាការទាមទារឯករាជ្យនៅក្នុងប្រទេសកាណាដា និងសហរដ្ឋអាមេរិកទៀត។

នៅកាណាដា ក្នុងទីក្រុងម៉ុងរេអាល់ ទ្រង់បានថ្លែងទៅពួកអ្នកសារព័ត៌មានដោយសង្កត់ធ្ងន់លើបញ្ហាពីរទាក់ទងនឹងរាជាណាចក្រកម្ពុជា និងប្រទេសបារាំង ដែលជាតំណាងប្រទេសលោកសេរី ក្នុងឥណ្ឌូចិន៖
• ទី១ គឺបញ្ហាប្រយុទ្ធប្រឆាំងនឹងពួកកុំមុយនីស
• ទី២ គឺបញ្ហាឯករាជ្យបរិបូរសម្រាប់ព្រះរាជាណាចក្រកម្ពុជា។

យោងលើបញ្ហានេះ ព្រះអង្គទ្រង់បញ្ជាក់ថា ប្រជាពលរដ្ឋខ្មែរពុំត្រូវការរបបកុំមុយនីសទេ ព្រោះថាប្រជាពលរដ្ឋខ្មែរម្នាក់ៗសុទ្ធតែមានដីធ្លីជាកម្មសិទ្ធិ សម្រាប់បង្កបង្កើនផលរបស់ខ្លួន។ បញ្ហាដែលគេចង់បាននោះគឺ ឯករាជ្យបរិបូរសម្រាប់ប្រទេសជាតិ។ ចំណែកពួកកុំមុយនីស គេមើលឃើញថាប្រទេសកម្ពុជា ជាទីតាំងមួយប្រសើរសម្រាប់ពួកគេ។
នៅសហរដ្ឋអាមេរិក ព្រះអង្គទ្រង់ធ្វើសេចក្ដីថ្លែងការណ៍មួយដែលត្រូវបានសារព័ត៌មានដ៏ធំមួយឈ្មោះ ញូវយ៉កថែម ចុះផ្សាយក្នុងទំព័រទី១របស់គេ នៅថ្ងៃទី ១៩ មេសា ១៩៥៣ ដែលធ្វើឲ្យពិភពលោកទាំងមូលមានការភ្ញាក់ផ្អើល។ ខ្លឹមសារគឺ “… បើបារាំងមិនយល់ព្រមប្រគល់ឯករាជ្យឲ្យកម្ពុជាទេនោះ នឹងមានគ្រោះថ្នាក់មួយយ៉ាងពិតប្រាកដ គឺថាប្រជាពលរដ្ឋខ្មែរនឹងក្រោកឈរឡើងប្រឆាំងនឹងបារាំង ហើយគេនឹងងាកទៅរកចលនាវៀតមិញ ដែលដឹកនាំដោយពួកកុំមុយនីស”។ ក្នុងករណីមានការគំរាមកំហែង ប្រជាពលរដ្ឋប្ដេជ្ញាថា “ពួកបារាំងទាំងអស់ដែលនៅក្នុងស្រុកខ្មែរ នឹងត្រូវឡោមព័ទ្ធ ហើយជីវិតចុងក្រោយរបស់ពួកគេនឹងមកដល់ … “។
ព្រះបញ្ញាញាណខាងលើនេះ បានធ្វើឲ្យមតិសកលលោក ពិសេសលោកខាងលិច តម្រូវឲ្យរដ្ឋាភិបាលបារាំងព្រមចូលរួមធ្វើការចរចាជាមួយរដ្ឋាភិបាលកម្ពុជា ស្ដីពីឯករាជ្យបរិបូរនៃរាជាណាចក្រកម្ពុជា។
រដ្ឋប្រហារ
នៅថ្ងៃទី ១៨ មីនា ១៩៧០ ព្រះអង្គត្រុវសេនាប្រមុខ លន់ ណុល ធ្វើរដ្ឋប្រហារតំលាក់ព្រះអង្គចេញពីតំណែង ខណៈពេលដែលព្រះអង្គបានយាងទៅបំពេញទស្សនកិច្ចនៅបរទេស ដោយបង្កើតរដ្ឋាភិបាលថ្មីមួយឈ្មោះ សាធារណរដ្ឋខ្មែរ ។ រដ្ឋាភិបាលថ្មីនេះត្រូវបានទទួលស្គាល់ពីសហរដ្ឋអាមេរិក ។
ការសោយទីវង្គត
ព្រះករុណាព្រះបាទនរោត្ដមសីហនុ ព្រះវរបិតាឯករាជជាតិ ទ្រង់បានសោយព្រះទីង្គតនៅថ្ងៃច័ន្ទ ទី ១៥ ខែតុលា ឆ្នាំ ២០១២ ត្រូវនឹងថ្ងៃ ១៥ រោច ខែ ភទ្របទ ឆ្នាំរោង ចត្វាស័ក វេលាម៉ោង ១ និង ២០ នាទីយប់ (ម៉ោងនៅរាជធានីភ្នំពេញ) នៅទីក្រុងប៉េកាំង ប្រទេសចិន ដោយជរាពាធ។ ព្រះសពរបស់ទ្រង់ត្រូវបានដង្ហែរពីទីក្រុងប៉េកាំងមកកាន់រាជធានីភ្នំពេញ ដោយព្រះករុណាព្រះបាទសីហមុនី និង សម្ដេចតេជោនាយករដ្ឋមន្ត្រីហ៊ុនសែន នៅថ្ងៃទី ១៧ ខែតុលា វេលាម៉ោង ២:៣០ រសៀល។ ការដង្ហែរព្រះបរមសពពីប្រលានយន្តហោះអន្តរជាតិភ្នំពេញ មក ព្រះបរមរាជវាំងកាត់តាមវិមានឯករាជ្យ បានបញ្ចប់នៅម៉ោង ៥:៣០ ល្ងាច ដោយមានប្រជានុរាស្ត្រប្រមាណជាង ១ ០០០ ០០០ (មួយលាន) ទៅជាង ១ ២០០ ០០០ (មួយលានពីរសែន) នាក់មកចាំដង្ហែរដែលមានទាំងបព្វជិត និង គ្រហស្ថ។ ព្រះបរមសពរបស់ទ្រង់នឹងដំកល់នៅព្រះបរមរាជវាំងយ៉ាងតិច ៣ ខែ។

អត្ថបទដកស្រង់ចេញពី http://km.wikipedia.org/

HTC One X ហើយនិង One S ត្រៀមបន្ទាន់សម័យទៅ Jelly Bean នៅក្នុងខែនេះហើយ

chanthea92 ♦ 8 October 2012 ♦ Leave a comment

ក្រោយពេលដែល Sony បានដាក់លក់ Sony Xperia Tablet S ដែលជាថេបប្លេតជំនាន់ថ្មី ដែលមិនមានការជ្រាបចូលទឹកកាលពីខែកញ្ញាកន្លងមក ។ ចុងក្រោយនេះក្រុមហ៊ុន Sony បានផ្អាកការលក់ Sony Xperia Tablet S មួយរយះ ព្រោះជួបនូវបញ្ហាមិនអាចការពារបាននូវការជ្រាបទឹក ចំពោះបញ្ហាការការពារមិនបាននូវការជ្រាបទឹកនោះគឺ ក្រុមហ៊ុន Sony បានប្រាប់មកថា នេះជាបញ្ហាការផលិតនៅឯរោងចក្រនៅប្រទេសចិន ពេលនេះផងដែរខាងក្រុមហ៊ុន Sony បានប្រមូលចូលក្រុមហ៊ុនវិញហើយ ដើម្បីពិនិត្យនិងដោះស្រាយម្តងទៀត ។

ការទទួលស្គាល់ខ្លួនឯង

chanthea92 ♦ 4 October 2012 ♦ Leave a comment

យើងបានដឹងច្រើនហើយអំពីការទទួលស្គាល់ខ្លួនឯងពីមនុស្សដែល សិក្សា ឬ បង្រៀនពីវិធីសាស្រ្តអភិវឌ្ឍខ្លួន ។ តើអ្វីទៅជាការទទួលស្គាល់ខ្លួនឯង? តើវាមានន័យថាអ្នកត្រូវទទួលស្គាល់នូវចំនុចខ្សោយ ឬ ទំលាប់អវិជ្ជមាន និង មិនកែប្រែអ្វីសោះ ? នេះមានន័យថាការទទួលស្គាល់នូវអកប្បកិរិយា របៀបរស់នៅរបស់អ្នក និង មិនមានការផ្លាស់ប្តូរ ហើយធ្វើការវិវត្តទៅមុខទេឬ? ទាំងអស់នេះជាមធ្យោបាយតែមួយដែលផ្តល់ឲ្យមានការខ្ចិល ហើយផ្តល់ឲ្យមានការដោះសារសម្រាប់ការទុករបស់របរចោល ។

ទទួលស្គាល់ខ្លួនឯងអាចធ្វើឲ្យអ្នកមានអារម្មណ៍ល្អ ហើយធូរស្បើយក្នុងអារម្មណ៍ ប៉ុន្តែវាមិនបានផ្តល់ឲ្យនូវដំណើរការ និង ការវិវឌ្ឍមួយដ៏ពិតប្រាកដទេ ។

ពាក្យថាទទួលខ្លួនឯងវាហាក់ដូចជាមិនត្រូវបានពន្យល់ឲ្យបានល្អ និង យល់ដឹងឲ្យបានច្បាស់ ។ ការទទួលស្គាល់ខ្លួនឯងដូចជាអ្នកស្ថិតនៅជំហានដំបូង ។ វាជួយអ្នកយល់ដឹងពីគុណភាពល្អ និង មិនល្អរបស់អ្នក ហើយអាចកាត់បន្ថយនូវភាពខ្វះខាតនៃការគោរពខ្លួនឯង ខ្វះភាពសប្បាយរីករាយ និង ខ្លះនូវសេចក្តីពេញចិត្ត ។

ការទទួលស្គាលខ្លួនឯងមិនមែនមានន័យថាអ្នកត្រូវតែទទួលស្គាល់អ្វីគ្រប់យ៉ាង ហើយមិនធ្វើការផ្លាស់ប្តូរដើម្បីឲ្យកាន់តែប្រសើរឡើងនោះទេ

ត្រូវដឹង និង ស្គាល់នូវ អាកប្បកិរិយា ទំលាប់ និង អត្តចរិតផ្ទាល់ខ្លួនរបស់អ្នក និង កុំខ្លាចថាអ្នកជាមនុស្សយ៉ាងណានោះ ហើយវាក៏ជាជំហានដំបូងសម្រាប់អ្នកដែរ ។

នៅពេលអ្នកទទួលស្គាល់ថាអ្នកជានរណា ហើយអ្នកដាក់ខ្លួនអ្នកនៅក្នុងតួនាទីមួយដ៏ប្រសើរដើម្បីធ្វើការកែប្រែ និង អភិវឌ្ឍខ្លួន ។ វាមិនមែនជាការដោះសារក្នុងការនិយាយថា ខ្ញុំបែបនេះ ។ ខ្ញុំទទួលស្គាល់ខ្លួនខ្ញុំ ។ ខ្ញុំទទួលស្គាល់នូវអត្តចរិតរបស់ខ្ញុំ ។ ការស្គាល់ខ្លួនឯងជាជំហានដែលអាចនាំឲ្យអ្នកធ្វើការបង្កើននូវការអភិវឌ្ឍខ្លួនឯង និង ជីវិត ។

ការធ្វើការអភិវឌ្ឍទាមទារឲ្យអ្នកយល់ និង ដឹង ពីអត្តចរិត និង ទំលាប់របស់ខ្លួនឯង ហើយឈប់ប្រៀបធៀបខ្លួនរបស់អ្នក ហើយនឹង សមិទ្ធិផលរបស់អ្នកទៅនឹងអ្នកដទៃ ហើយត្រូវដឹងពីជំនាញរបស់ខ្លួន និង ភាពខ្វះខាតរបស់ខ្លួនផងដែរ ។ ទាំងអស់នេះនឹងនាំមកនូវសេចក្តីសុខ និង សន្តិភាពក្នុងចិត្ត ។

ការចាប់ផ្ដើមការសិក្សាថ្មី២០១២-២០១៣

chanthea92 ♦ 3 October 2012 ♦ Leave a comment

ជាទូទៅការធ្វើអ្វីមួយ រមែងតែងតែធ្វើពីធីសម្ភោធ ដើម្បីចាប់ផ្ដើមនៃការសិក្សាផងដែរ។ ដូច្នេះទើបសាលាបច្ចេកទេស ដុន បូស្កូ ខេត្តព្រះសីហនុ បានធ្វើពិធីមួយគឺ ពិធីបើកបវេស្សនកាលថី្ម ហើយក៏ជាការទទួលស្វាគមន៍សិស្សថ្មី។ ការបើកបវេស្សនកាលឆ្នាំសិក្សាថ្មី២០១២ ដល់២០១៣ បានប្រារព្ធឡើង នៅថ្ងៃទី០២ ខែតុលា ឆ្នាំ២០១២ ហើយក៏មានការលេងហ្គេម ដើម្បីសិស្សច្បង និងសិស្សប្អូន អោយមានការសប្បាយរីករាយជាមួយ។